ئۇيغۇر سەنئىتى ئۈچۈن بىر ئۆمۈر يۈرەك قېنىنى سەرپ قىلغان ، ئۇيغۇر مۇزىكىسىنى دۇنيا سەھنىلىرىدە ياڭرىتىپ جاھان ئەھلىنى ھاڭ تاڭ قالدۇرغان سەنئەتكار ، كامالەتكە يەتكەن راۋاپ ئۇستازى، راۋاپ شاھى _ داۋۇت ئاۋۇت ئەپەندى 2007- يىلى 11- ئاينىڭ 17-كۈنى ( شەنبە ) چۈشتە كېسەل سەۋەبى بىلەن ئۈرۈمچىدە ۋاپات بولدى .

مەرھۇم سەنئەتكار ۋە راۋاپ شاھى داۋۇت ئاۋۇت ئۆز ھاياتىدا "مېنىڭ راۋابىم" ، "تاشۋاي" قاتارلىق ئۆلمەس مۇزىكا ئەسەرلىرىنى يۇقىرى ماھارەت بىلەن ئورۇنداپ پۈتۈن جاھان ئەھلىنى ھەيران قالدۇرغان . مەرھۇمنىڭ ۋاپاتى ئۇيغۇر سەنئىتى ئۈچۈن ، جۈملىدىن ئۇيغۇر مۇزىكا سەنئىتى ئۈچۈن غايەت زور يوقىتىش ھېساپلىنىدۇ . ﺑﯩﺰ مەرھۇمنىڭ ئائىلە تاۋاباتلىرىدىن ۋە بارلىق ئۇرۇق - تۇققانلىرىدىن سەمىمىي ھال سورايمىز . مەرھۇمنىڭ مېيىت نامىزى 2007- يىلى 11- ئاينىڭ 18- كۈنى ( يەكشەنبە ) چۈشتە ئۈرۈمچى كونسۇل كوچىسى دوقمۇشىدىكى نوغاي مەسچىتىدە چۈشۈرىلىدۇ .